Young Jockey.

A poem by Robert Burns

Tune - "Young Jockey."


Young Jockey was the blythest lad
In a' our town or here awa:
Fu' blythe he whistled at the gaud,
Fu' lightly danced he in the ha'.
He roosed my een, sae bonnie blue,
He roos'd my waist sae genty sma',
And ay my heart came to my mou'
When ne'er a body heard or saw.


My Jockey toils upon the plain,
Thro' wind and weet, thro' frost and snaw;
And o'er the lea I leuk fu' fain,
When Jockey's owsen hameward ca'.
An' ay the night comes round again,
When in his arms he takes me a',
An' ay he vows he'll be my ain,
As lang's he has a breath to draw.

Reader Comments

Tell us what you think of 'Young Jockey.' by Robert Burns

comments powered by Disqus