Wae Is My Heart.

A poem by Robert Burns

Tune - "Wae is my heart."



I.

Wae is my heart, and the tear's in my e'e;
Lang, lang, joy's been a stranger to me;
Forsaken and friendless, my burden I bear,
And the sweet voice of pity ne'er sounds in my ear.

II.

Love, thou hast pleasures, and deep hae I loved;
Love, thou hast sorrows, and sair hae I proved;
But this bruised heart that now bleeds in my breast,
I can feel by its throbbings will soon be at rest.

III.

O, if I were happy, where happy I hae been,
Down by yon stream, and yon bonnie castle green;
For there he is wand'ring, and musing on me,
Wha wad soon dry the tear frae his Phillis's e'e.