The Bairns Gat Out.

A poem by Robert Burns

Tune - "The deuks dang o'er my daddie."


The bairns gat out wi' an unco shout,
The deuks dang o'er my daddie, O!
The fien'-ma-care, quo' the feirrie auld wife,
He was but a paidlin body, O!
He paidles out, an' he paidles in,
An' he paidles late an' early, O!
This seven lang years I hae lien by his side,
An' he is but a fusionless carlie, O!


O, hand your tongue, my feirrie auld wife,
O, haud your tongue, now Nansie, O!
I've seen the day, and sae hae ye,
Ye wadna been sae donsie, O!
I've seen the day ye butter'd my brose,
And cuddled me late and early, O!
But downa do's come o'er me now,
And, oh! I feel it sairly, O!

Reader Comments

Tell us what you think of 'The Bairns Gat Out.' by Robert Burns

comments powered by Disqus