A poem by Robert Burns

Tune - "Cauld is the e'enin blast."


Cauld is the e'enin' blast
O' Boreas o'er the pool,
And dawin' it is dreary
When birks are bare at Yule.


O bitter blaws the e'enin' blast
When bitter bites the frost,
And in the mirk and dreary drift
The hills and glens are lost.


Ne'er sae murky blew the night
That drifted o'er the hill,
But a bonnie Peg-a-Ramsey
Gat grist to her mill.

Reader Comments

Tell us what you think of 'Peg-A-Ramsey.' by Robert Burns

comments powered by Disqus