O Mally's Meek, Mally's Sweet.

A poem by Robert Burns

I.

O Mally's meek, Mally's sweet,
Mally's modest and discreet,
Mally's rare, Mally's fair,
Mally's every way complete.
As I was walking up the street,
A barefit maid I chanc'd to meet;
But O the road was very hard
For that fair maiden's tender feet.

II.

It were mair meet that those fine feet
Were weel lac'd up in silken shoon,
And 'twere more fit that she should sit,
Within yon chariot gilt aboon.

III.

Her yellow hair, beyond compare,
Comes trinkling down her swan-white neck;
And her two eyes, like stars in skies,
Would keep a sinking ship frae wreck.
O Mally's meek, Mally's sweet,
Mally's modest and discreet,
Mally's rare, Mally's fair,
Mally's every way complete.

Reader Comments

Tell us what you think of 'O Mally's Meek, Mally's Sweet.' by Robert Burns

comments powered by Disqus