Lady Mary Ann.

A poem by Robert Burns

Tune - "Craigtown's growing."


O, Lady Mary Ann
Looks o'er the castle wa',
She saw three bonnie boys
Playing at the ba';
The youngest he was
The flower amang them a'
My bonnie laddie's young,
But he's growin' yet.


O father! O father!
An' ye think it fit,
We'll send him a year
To the college yet:
We'll sew a green ribbon
Round about his hat,
And that will let them ken
He's to marry yet.


Lady Mary Ann
Was a flower i' the dew,
Sweet was its smell,
And bonnie was its hue;
And the langer it blossom'd
The sweeter it grew;
For the lily in the bud
Will be bonnier yet.


Young Charlie Cochran
Was the sprout of an aik;
Bonnie and bloomin'
And straught was its make:
The sun took delight
To shine for its sake,
And it will be the brag
O' the forest yet.


The simmer is gane,
When the leaves they were green,
And the days are awa,
That we hae seen;
But far better days
I trust will come again,
For my bonnie laddie's young,
But he's growin' yet.

Reader Comments

Tell us what you think of 'Lady Mary Ann.' by Robert Burns

comments powered by Disqus

Home | Search | About this website | Contact | Privacy Policy