Gudeen To You, Kimmer.

A poem by Robert Burns

I.

Gudeen to you, Kimmer,
And how do ye do?
Hiccup, quo' Kimmer,
The better that I'm fou.
We're a' noddin, nid nid noddin,
We're a' noddin, at our house at hame.

II.

Kate sits i' the neuk,
Suppin hen broo;
Deil tak Kate
An' she be na noddin too!
We're a' noddin, &c.

III.

How's a' wi' you, Kimmer,
And how do ye fare?
A pint o' the best o't,
And twa pints mair.
We're a' noddin, &c.

IV.

How's a' wi' you, Kimmer,
And how do ye thrive;
How many bairns hae ye?
Quo' Kimmer, I hae five.
We're a' noddin, &c.

V.

Are they a' Johnie's?
Eh! atweel no:
Twa o' them were gotten
When Johnie was awa.
We're a noddin, &c.

VI.

Cats like milk,
And dogs like broo;
Lads like lasses weel,
And lasses lads too.
We're a' noddin, &c.

Reader Comments

Tell us what you think of 'Gudeen To You, Kimmer.' by Robert Burns

comments powered by Disqus