Gloomy December.

A poem by Robert Burns

Tune - "Wandering Willie."



I.

Ance mair I hail thee, thou gloomy December!
Ance mair I hail thee wi' sorrow and care:
Sad was the parting thou makes me remember,
Parting wi' Nancy, oh! ne'er to meet mair.
Fond lovers' parting is sweet painful pleasure,
Hope beaming mild on the soft parting hour;
But the dire feeling, O farewell for ever!
Is anguish unmingled, and agony pure.

II.

Wild as the winter now tearing the forest,
'Till the last leaf o' the summer is flown,
Such is the tempest has shaken my bosom,
Since my last hope and last comfort is gone!
Still as I hail thee, thou gloomy December,
Still shall I hail thee wi' sorrow and care;
For sad was the parting thou makes me remember,
Parting wi' Nancy, oh! ne'er to meet mair.

Reader Comments

Tell us what you think of 'Gloomy December.' by Robert Burns

comments powered by Disqus