Come Boat Me O'Er To Charlie.

A poem by Robert Burns

Tune - "O'er the water to Charlie."


I.

Come boat me o'er, come row me o'er,
Come boat me o'er to Charlie;
I'll gie John Ross another bawbee,
To boat me o'er to Charlie.
We'll o'er the water and o'er the sea,
We'll o'er the water to Charlie;
Come weal, come woe, we'll gather and go,
And live or die wi' Charlie.

II.

I lo'e weel my Charlie's name,
Tho' some there be abhor him:
But O, to see auld Nick gaun hame,
And Charlie's faes before him!

III.

I swear and vow by moon and stars,
And sun that shines so early,
If I had twenty thousand lives,
I'd die as aft for Charlie.
We'll o'er the water and o'er the sea,
We'll o'er the water to Charlie;
Come weal, come woe, we'll gather and go,
And live or die wi' Charlie!