Blythe Hae I Been.

A poem by Robert Burns

Tune - "Liggeram Cosh."


Blythe hae I been on yon hill
As the lambs before me;
Careless ilka thought and free
As the breeze flew o'er me.
Now nae langer sport and play,
Mirth or sang can please me;
Lesley is sae fair and coy,
Care and anguish seize me.


Heavy, heavy is the task,
Hopeless love declaring:
Trembling, I dow nocht but glow'r,
Sighing, dumb, despairing!
If she winna ease the thraws
In my bosom swelling,
Underneath the grass-green sod
Soon maun be my dwelling.

Reader Comments

Tell us what you think of 'Blythe Hae I Been.' by Robert Burns

comments powered by Disqus