Young Jamie, Pride Of A' The Plain.

A poem by Robert Burns

Tune - "The carlin o' the glen."


I.

Young Jamie, pride of a' the plain,
Sae gallant and sae gay a swain;
Thro' a' our lasses he did rove,
And reign'd resistless king of love:
But now wi' sighs and starting tears,
He strays amang the woods and briers;
Or in the glens and rocky caves
His sad complaining dowie raves.

II.

I wha sae late did range and rove,
And chang'd with every moon my love,
I little thought the time was near,
Repentance I should buy sae dear:
The slighted maids my torment see,
And laugh at a' the pangs I dree;
While she, my cruel, scornfu' fair,
Forbids me e'er to see her mair!

Reader Comments

Tell us what you think of 'Young Jamie, Pride Of A' The Plain.' by Robert Burns

comments powered by Disqus

Home | Search | About this website | Contact | Privacy Policy