Wandering Willie. (Last Version.)

A poem by Robert Burns


Here awa, there awa, wandering Willie,
Here awa, there awa, haud awa hame;
Come to my bosom, my ain only dearie,
Tell me thou bring'st me my Willie the same.


Winter winds blew loud and cauld at our parting,
Fears for my Willie brought tears in my e'e;
Welcome now simmer, and welcome my Willie,
The simmer to nature, my Willie to me.


Rest, ye wild storms, in the cave of your slumbers,
How your dread howling a lover alarms!
Wauken, ye breezes, row gently, ye billows,
And waft my dear laddie ance mair to my arms.


But oh, if he's faithless, and minds na his Nannie,
Flow still between us, thou wide roaring main;
May I never see it, may I never trow it,
But, dying, believe that my Willie's my ain.

Reader Comments

Tell us what you think of 'Wandering Willie. (Last Version.)' by Robert Burns

comments powered by Disqus

Home | Search | About this website | Contact | Privacy Policy