The Lovely Lass Of Inverness.

A poem by Robert Burns

Tune - "Lass of Inverness."


I.

The lovely lass o' Inverness,
Nae joy nor pleasure can she see;
For e'en and morn, she cries, alas!
And ay the saut tear blin's her e'e:
Drumossie moor, Drumossie day
A waefu' day it was to me!
For there I lost my father dear,
My father dear, and brethren three.

II.

Their winding sheet the bluidy clay,
Their graves are growing green to see:
And by them lies the dearest lad
That ever blest a woman's e'e!
Now wae to thee, thou cruel lord,
A bluidy man I trow thou be;
For mony a heart thou host made sair,
That ne'er did wrong to thine or thee.

Reader Comments

Tell us what you think of 'The Lovely Lass Of Inverness.' by Robert Burns

comments powered by Disqus

Home | Search | About this website | Contact | Privacy Policy