The Cooper O' Cuddie.

A poem by Robert Burns

Tune - "Bab at the bowster."


I.

The cooper o' Cuddie cam' here awa,
And ca'd the girrs out owre us a'
And our gudewife has gotten a ca'
That anger'd the silly gude-man, O.
We'll hide the cooper behind the door;
Behind the door, behind the door;
We'll hide the cooper behind the door,
And cover him under a mawn, O.

II.

He sought them out, he sought them in,
Wi', deil hae her! and, deil hae him!
But the body was sae doited and blin',
He wist na where he was gaun, O.

III.

They cooper'd at e'en, they cooper'd at morn,
'Till our gude-man has gotten the scorn;
On ilka brow she's planted a horn,
And swears that they shall stan', O.
We'll hide the cooper behind the door,
Behind the door, behind the door;
We'll hide the cooper behind the door,
And cover him under a mawn, O.

Reader Comments

Tell us what you think of 'The Cooper O' Cuddie.' by Robert Burns

comments powered by Disqus

Home | Search | About this website | Contact | Privacy Policy