She's Fair And Fause.

A poem by Robert Burns

Tune - "She's fair and fause."


I.

She's fair and fause that causes my smart,
I lo'ed her meikle and lang;
She's broken her vow, she's broken my heart,
And I may e'en gae hang.
A coof cam in wi' routh o' gear,
And I hae tint my dearest dear;
But woman is but warld's gear,
Sae let the bonnie lass gang.

II.

Whae'er ye be that woman love,
To this be never blind,
Nae ferlie 'tis tho' fickle she prove,
A woman has't by kind.
O woman, lovely woman fair!
An angel form's fa'n to thy share,
'Twad been o'er meikle to gien thee mair
I mean an angel mind.

Reader Comments

Tell us what you think of 'She's Fair And Fause.' by Robert Burns

comments powered by Disqus

Home | Search | About this website | Contact | Privacy Policy