Robin Shure In Hairst.

A poem by Robert Burns

I.

Robin shure in hairst,
I shure wi' him,
Fient a heuk had I,
Yet I stack by him.

II.

I gaed up to Dunse,
To warp a wab o' plaiden,
At his daddie's yett,
Wha met me but Robin.

III.

Was na Robin bauld,
Tho' I was a cotter,
Play'd me sic a trick,
And me the eller's dochter?
Robin share in hairst, &c.

IV.

Robin promis'd me
A' my winter vittle;
Fient haet he had but three
Goose feathers and a whittle.
Robin share in hairst, &c.

Reader Comments

Tell us what you think of 'Robin Shure In Hairst.' by Robert Burns

comments powered by Disqus

Home | Search | About this website | Contact | Privacy Policy