Rattlin', Roarin' Willie.

A poem by Robert Burns

Tune - "Rattlin', roarin' Willie."


I.

O rattlin', roarin' Willie,
O, he held to the fair,
An' for to sell his fiddle,
An' buy some other ware;
But parting wi' his fiddle,
The saut tear blint his ee;
And rattlin', roarin' Willie,
Ye're welcome hame to me!

II.

O Willie, come sell your fiddle,
O sell your fiddle sae fine;
O Willie, come sell your fiddle,
And buy a pint o' wine!
If I should sell my fiddle,
The warl' would think I was mad;
For mony a rantin' day
My fiddle and I hae had.

III.

As I cam by Crochallan,
I cannily keekit ben,
Rattlin', roarin' Willie
Was sittin' at yon board en';
Sitting at yon board en',
And amang good companie;
Rattlin', roarin' Willie,
Ye're welcome hame to me I

Reader Comments

Tell us what you think of 'Rattlin', Roarin' Willie.' by Robert Burns

comments powered by Disqus

Home | Search | About this website | Contact | Privacy Policy