Oh, Wert Thou In The Cauld Blast.

A poem by Robert Burns

Tune - "Lass o' Livistone."


Oh, wert thou in the cauld blast,
On yonder lea, on yonder lea,
My plaidie to the angry airt,
I'd shelter thee, I'd shelter thee:
Or did misfortune's bitter storms
Around thee blaw, around thee blaw,
Thy bield should be my bosom,
To share it a', to share it a'.


Or were I in the wildest waste,
Sae black and bare, sae black and bare,
The desert were a paradise,
If thou wert there, if thou wert there:
Or were I monarch o' the globe,
Wi' thee to reign, wi' thee to reign,
The brightest jewel in my crown
Wad be my queen, wad be my queen.

Reader Comments

Tell us what you think of 'Oh, Wert Thou In The Cauld Blast.' by Robert Burns

comments powered by Disqus

Home | Search | About this website | Contact | Privacy Policy