O Willie Brew'd.

A poem by Robert Burns

Tune - "Willie brew'd a peck o' maut."


I.

O, Willie brew'd a peck o' maut,
And Rob and Allan came to see:
Three blither hearts, that lee-lang night
Ye wad na find in Christendie.
We are na fou, we're no that fou,
But just a drappie in our e'e;
The cock may craw, the day may daw,
And aye we'll taste the barley bree.

II.

Here are we met, three merry boys,
Three merry boys, I trow, are we;
And mony a night we've merry been,
And mony mae we hope to be!

III.

It is the moon--I ken her horn,
That's blinkin in the lift sae hie;
She shines sae bright to wyle us hame,
But, by my sooth, she'll wait a wee!

IV.

Wha first shall rise to gang awa',
A cuckold, coward loon is he!
Wha last beside his chair shall fa',
He is the king amang us three!
We are na fou, we're no that fou,
But just a drappie in our e'e;
The cock may craw, the day may daw,
And aye we'll taste the barley bree.

Reader Comments

Tell us what you think of 'O Willie Brew'd.' by Robert Burns

comments powered by Disqus

Home | Search | About this website | Contact | Privacy Policy