O Whistle, And I'll Come To You.

A poem by Robert Burns

I.

O whistle, and I'll come to you, my lad,
O whistle, and I'll come to you, my lad:
Tho' father and mither and a' should gae mad,
O whistle, and I'll come to you, my lad.
But warily tent, when you come to court me,
And come na unless the back-yett be a-jee;
Syne up the back-stile and let naebody see,
And come as ye were na comin' to me.
And come as ye were na comin' to me.

II.

At kirk, or at market, whene'er ye meet me,
Gang by me as tho' that ye car'd na a flie;
But steal me a blink o' your bonnie black e'e,
Yet look as ye were na lookin' at me.
Yet look as ye were na lookin' at me.

III.

Ay vow and protest that ye care na for me,
And whiles ye may lightly my beauty a wee;
But court na anither, tho' jokin' ye be,
For fear that she wyle your fancy frae me.
For fear that she wyle your fancy frae me.

IV.

O whistle, and I'll come to you, my lad,
O whistle, and I'll come to you, my lad:
Tho' father and mither and a' should gae mad,
O whistle, and I'll come to you, my lad.

Reader Comments

Tell us what you think of 'O Whistle, And I'll Come To You.' by Robert Burns

comments powered by Disqus

Home | Search | About this website | Contact | Privacy Policy