O Saw Ye My Dearie.

A poem by Robert Burns

Tune - "Eppie Macnab."


I.

O saw ye my dearie, my Eppie M'Nab?
O saw ye my dearie, my Eppie M'Nab?
She's down in the yard, she's kissin' the laird,
She winna come hame to her ain Jock Rab.
O come thy ways to me, my Eppie M'Nab!
O come thy ways to me, my Eppie M'Nab!
Whate'er thou hast done, be it late, be it soon,
Thou's welcome again to thy ain Jock Rab.

II.

What says she, my dearie, my Eppie M'Nab?
What says she, my dearie, my Eppie M'Nab?
She lets thee to wit, that she has thee forgot,
And for ever disowns thee, her ain Jock Rab.
O had I ne'er seen thee, my Eppie M'Nab!
O had I ne'er seen thee, my Eppie M'Nab!
As light as the air, and fause as thou's fair,
Thou's broken the heart o' thy ain Jock Rab.

Reader Comments

Tell us what you think of 'O Saw Ye My Dearie.' by Robert Burns

comments powered by Disqus

Home | Search | About this website | Contact | Privacy Policy