O Ay My Wife She Dang Me.

A poem by Robert Burns

Tune - "My wife she dang me."


I.

O ay my wife she dang me,
And aft my wife did bang me,
If ye gie a woman a' her will,
Gude faith, she'll soon o'er-gang ye.
On peace and rest my mind was bent,
And fool I was I married;
But never honest man's intent,
As cursedly miscarried.

II.

Some sairie comfort still at last,
When a' their days are done, man;
My pains o' hell on earth are past,
I'm sure o' bliss aboon, man.
O ay my wife she dang me,
And aft my wife did bang me,
If ye gie a woman a' her will,
Gude faith, she'll soon o'er-gang ye.

Reader Comments

Tell us what you think of 'O Ay My Wife She Dang Me.' by Robert Burns

comments powered by Disqus

Home | Search | About this website | Contact | Privacy Policy