Naebody.

A poem by Robert Burns

Tune - "Naebody."


I.

I hae a wife o' my ain,
I'll partake wi' naebody;
I'll tak cuckold frae nane,
I'll gie cuckold to naebody.
I hae a penny to spend,
There, thanks to naebody;
I hae naething to lend,
I'll borrow frae naebody.

II.

I am naebody's lord,
I'll be slave to naebody;
I hae a guid braid sword,
I'll tak dunts frae naebody.
I'll be merry and free,
I'll be sad for naebody;
Naebody cares for me,
I'll care for naebody.

Reader Comments

Tell us what you think of 'Naebody.' by Robert Burns

comments powered by Disqus

Home | Search | About this website | Contact | Privacy Policy