Merry Hae I Been Teethin' A Heckle.

A poem by Robert Burns

Tune - "Lord Breadalbone's March."


I.

O merry hae I been teethin' a heckle,
And merry hae I been shapin' a spoon;
O merry hae I been cloutin a kettle,
And kissin' my Katie when a' was done.
O a' the lang day I ca' at my hammer,
An' a' the lang day I whistle and sing,
A' the lang night I cuddle my kimmer,
An' a' the lang night as happy's a king.

II.

Bitter in dool I lickit my winnins,
O' marrying Bess to gie her a slave:
Blest be the hour she cool'd in her linens,
And blythe be the bird that sings on her grave.
Come to my arms, my Katie, my Katie,
An' come to my arms and kiss me again!
Drunken or sober, here's to thee, Katie!
And blest be the day I did it again.

Reader Comments

Tell us what you think of 'Merry Hae I Been Teethin' A Heckle.' by Robert Burns

comments powered by Disqus

Home | Search | About this website | Contact | Privacy Policy