I'll Ay Ca' In By Yon Town.

A poem by Robert Burns

Tune - "I'll gae nae mair to yon town."



I.

I'll ay ca' in by yon town,
And by yon garden green, again;
I'll ay ca' in by yon town,
And see my bonnie Jean again.
There's nane sall ken, there's nane sall guess,
What brings me back the gate again;
But she my fairest faithfu' lass,
And stownlins we sall meet again.

II.

She'll wander by the aiken tree,
When trystin-time draws near again;
And when her lovely form I see,
O haith, she's doubly dear again!
I'll ay ca' in by yon town,
And by yon garden green, again;
I'll ay ca' in by yon town,
And see my bonnie Jean again.

Reader Comments

Tell us what you think of 'I'll Ay Ca' In By Yon Town.' by Robert Burns

comments powered by Disqus

Home | Search | About this website | Contact | Privacy Policy