Bruce To His Men At Bannockburn. (First Version.)

A poem by Robert Burns

Tune - "Hey, tuttie taitie."


Scots, wha hae wi' Wallace bled,
Scots, wham Bruce has aften led;
Welcome to your gory bed,
Or to victorie!


Now's the day, and now's the hour;
See the front o' battle lour:
See approach proud Edward's pow'r
Chains and slaverie!


Wha will be a traitor-knave?
Wha can fill a coward's grave?
Wha sae base as be a slave!
Let him turn and flee!


Wha for Scotland's king and law
Freedom's sword will strongly draw,
Freeman stand, or freeman fa',
Let him follow me!


By oppression's woes and pains!
By our sons in servile chains!
We will drain our dearest veins,
But they shall be free!


Lay the proud usurpers low!
Tyrants fall in every foe!
Liberty's in every blow!
Let us do or die!

Reader Comments

Tell us what you think of 'Bruce To His Men At Bannockburn. (First Version.)' by Robert Burns

comments powered by Disqus

Home | Search | About this website | Contact | Privacy Policy