Bonnie Lesley.

A poem by Robert Burns

I.

O saw ye bonnie Lesley
As she ga'ed o'er the border?
She's gane, like Alexander,
To spread her conquests farther.

II.

To see her is to love her,
And love but her for ever;
For Nature made her what she is,
And never made anither!

III.

Thou art a queen, fair Lesley,
Thy subjects we, before thee:
Thou art divine, fair Lesley,
The hearts o' men adore thee.

IV.

The deil he could na scaith thee,
Or aught that wad belang thee;
He'd look into thy bonnie face,
And say, "I canna wrang thee."

V.

The powers aboon will tent thee;
Misfortune sha' na steer thee:
Thou'rt like themselves so lovely,
That ill they'll ne'er let near thee.

VI.

Return again, fair Lesley,
Return to Caledonie;
That we may brag, we hae a lass
There's nane again sae bonnie.

Reader Comments

Tell us what you think of 'Bonnie Lesley.' by Robert Burns

comments powered by Disqus

Home | Search | About this website | Contact | Privacy Policy