Bannockburn. Robert Bruce's Address To His Army. (Second Version.)

A poem by Robert Burns

I.

Scots, wha hae wi' Wallace bled,
Scots, wham Bruce has aften led;
Welcome to your gory bed,
Or to glorious victorie!

II.

Now's the day, and now's the hour
See the front o' battle lour;
See approach proud Edward's power
Edward! chains and slaverie!

III.

Wha will be a traitor-knave?
Wha can fill a coward's grave?
Wha sae base as be a slave?
Traitor! coward! turn and flee!

IV.

Wha for Scotland's king and law
Freedom's sword will strongly draw,
Freeman stand, or freeman fa',
Caledonian! on wi' me!

V.

By oppression's woes and pains!
By our sons in servile chains!
We will drain our dearest veins,
But they shall be, shall be free!

VI.

Lay the proud usurpers low!
Tyrants fall in every foe!
Liberty's in every blow!
Forward! let us do, or die!

Reader Comments

Tell us what you think of 'Bannockburn. Robert Bruce's Address To His Army. (Second Version.)' by Robert Burns

comments powered by Disqus

Home | Search | About this website | Contact | Privacy Policy